Mga Pinagkukunang-yaman ng Pilipinas

Ang mga salik ng produksyon ay lupa, paggawa at kapital. Ang lupa rito ay tumutukoy sa mga yamang likas o ang kaloob ng kalikasan, kabilang ang mga lupaing agrikultural at industriyal. Ang paggawa at paggamit ng lakas at kakayahan upang makapagbigay ng serbisyo o makaambag sa produksyon.

Mga pinagkukunang-yaman:
Yamang likas
     Ang mga halimbawa ng yamang likas ay kagubatan, anyong tubig, anyong lupa, mineral, mga isada at mga hayop. Mahalaga ang papel na ginagampanan ng mga kagubatan sa aspekto ng pagbabalanse ng atmospera.
Yamang lupa
     Ang Pilipinas ay biniyayaan ng iba't ibang anyong lupa. Mula sa mga ito nagmumula ang iba't ibang mga yamang likas na ginagamit sa pang araw-araw na pamumuhay.
Yamang mineral
     Ang Pilipinas ay isa sa mga pangunahing tagapagluwas ng ilang mahahalagang metal. Ang industriya na pagmimina ay pinagmumulan ng malaking kita ng bansa. Ang Pilipinas ay may malaking suplay ng copper, nickel at bakal.
Yamang tubig
     Kabilang sa mahahalagang gamit ng mga ito ay ang paglikha ng enerhiya (hydro thermal power), irigasyon sa mga sakahan, rutang pantransportsayon, pinagkukunan ng hilaw na materyales at pangisdaan.
Yamang kapital
     Ang yamang kapital ay tumutukoy sa lahat ng bagay na ginagamit ng tao upang kunin at isailalim sa isang proseso ang mga hilaw na materyales upang makabuo ng panibagong produkto.
Yamang tao
     Ang mga nabanggit na yamang likas ay hidni magiging kapaki-pakinabang kung hindi ito lilinangin at isasailalim sa prosesong nauukol sa paglikha ng mga produktong pang-industriya at pangkonsiyumer.








Reference: Ekonomiks: Mga Konsepto at Aplikasyon (Batayang aklat sa Araling Panlipunan Ikaapat na taon)